წყვილი კითხულობს ინფორმაციას მიგ-ისა და იბუპროფენის შესახებ

ხშირად დასმული კითხვები ტკივილისა და იბუპროფენის შესახებ

გამოიყენეთ მიგ^® 400-ის ტაბლეტები

თავის ტკივილი

რატომ ვითარდება დაძაბვის ტიპის თავის ტკივილი?

დაძაბვის ტიპის თავის ტკივილის ძირითადი მიზეზებია სტრესი, კვების გადავადება, უძილობა, ხმაური, ალკოჰოლი, მენსტრუაცია ან კისრის კუნთების დაჭიმვა.

რა განსხვავებაა დაძაბვის ტიპის თვის ტკივილსა და შაკიკს შორის?

დაძაბვის ტიპის თავის ტკივილსა და შაკიკს შორის რამდენიმე არსებითი განსხვავებაა. შაკიკისთვის ჩვეულია ძლიერი ტკივილი საფეთქლებში, რომელიც ფიზიკური აქტივობით ძლიერდება. დაძაბვის ტიპის თავის ტკივილს ხშირად აღწერენ, როგორც ზეწოლას, რომელიც ვრცელდება თავის ორივე მხარეს. თუ ხშირი თავის ტკივილი გაქვთ, უნდა მიმართოთ ექიმს, რათა გაირკვეს მიზეზი და განისაზღვროს მკურნალობა.

გულისრევა და ღებინება შაკიკის სავარაუდო სიმპტომებია.

გულისრევა და ღებინება შაკიკის შესაძლო სიმპტომებია. თანთავდაპირველი ინტენსიური თავის ტკივილი, რომელიც დაკავშირებულია გულისრევა და ღებინებასთან, შესაძლოა სხვადასხვა დაავადების სიმპტომი იყოს. სერიოზული ავადმყოფობის გამოსარიცხად აუცილებელია სასწრაფო სამედიცინო ჩარევა და გადაუდებელი სამედიცინო დახმარება.

კუნთებისა და სახსრების ტკივილი

როგორ ვუმკურნალოთ სპორტულ ტრავმას?

შემდგომი დაზიანების თავიდან ასაცილებლად, სხეულის დაზიანებული უბანი უნდა მოვასვენოთ 48-72 საათის განმავლობაში. რეკომენდებულია დაზიანებულ ადგილზე ყინულიანი პაკეტის დადება. საჭიროების შემთხვევაში, ტკივილგამაყუჩებლების (როგორიცაა იბუპროფენი) მიღება შეიძლება შეშუპების შესამცირებლად. თუ ტკივილი ძლიერია ან რამდენიმე დღეში არ შემსუბუქდა, უნდა მიმართოთ ექიმს.

ცხელება

სასარგებლოა თუ არა სიცხის დაწევა ინფექციის დროს?

ინფექციის დროს ჩვენს ორგანიზმში მრავლდება მიკროორგანიზმები და შეიძლება ზიანი მიაყენონ მას. მათთან საბრძოლველად იმატებს სხეულის ტემპერატურა. ეს ორგანიზმის დამცავი ბუნებრივი რეაქციაა და ცხელების დაკლებამ შესაძლოა გაახანგრძლივოს კიდეც ინფექცია. თუმცა, ხანგრძლივად მაღალმა ტემპერატურამ შეიძლება ზიანი მიაყენოს ორგანიზმს და აუცილებელია მისი დაქვეითება.

რატომაა მნიშვნელოვანი ცხელების დროს ბევრი სითხის მიღება?

რადგან ცხელების დროს ორგანიზმი ბევრ ოფლს გამოყოფს. დაკარგული სითხის კომპენსირებისა და დეჰიდრატაციის პროფილაქტიკისთვის მნიშვნელოვანია ბევრი სითხის მიღება.

მენსტრუალური ტკივილი

ნორმალურია თუ არა მენსტრუაციის დროს მტკივნეული სპაზმების არსებობა?

მენსტრუაციის დროს მსუბუქი სპაზმები და ტკივილი ნორმალურია. საშვილოსნო არის კუნთი, რომელიც იკუმშება ქსოვილის შრისა და სისხლის მოსაშორებლად. ეს შეკუმშვა იწვევს ტკივილს. თუმცა, თუ დისკომფორტი არ იხსნება მედიკამენტებით (როგორიცაა იბუპროფენი) ან ხელს უშლის ყოველდღიურ საქმიანობას, ეს შეიძლება სიმპტომების სხვა მიზეზებე მიგვანიშნებდეს და საჭიროა ექიმთან კონსულტაცია.

რაში გვეხმარება იბუპროფენი მენსტრუალური მტკივნეული სპაზმების დროს?

მენსტრუაციის დროს ორგანიზმი გამოიმუშავებს პროსტაგლანდინებს, რომლებიც პასუხისმგებელია მტკივნეულ სპაზმებზე. ტკივილგამაყუჩებლებს, როგორიცაა იბუპროფენი (მიგ® 400), შეუძლია შეაფერხოს პროსტაგლანდინების წარმოქმნა და შეამციროს უსიამოვნო სიმპტომები

რა არის კარიესი და რატომ იწვევს კბილის ტკივილს?

ნადები, ბაქტერიების წებოვანი აპკი, კბილებზე მუდმივად წარმოიქმნება. საკვების ან სასმელის მიღებისას, ბაქტერიები აწარმოებენ მჟავებს, რომლებიც მინანქარს მინერალებს აშორებენ და თუ არ მივხედავთ, შეიძლება კარიესი გამოიწვიონ. მინანქრის შორს წასული კარიესის შემთხვევაში, კბილის ნერვი შეიძლება გაღიზიანდეს ცივი ან ცხელი სტიმულის ზემოქმედებით და ამან გამოიწვიოს ტკივილი. რაც უფრო პროგრესირებს კარიესი, მით უფრო ძლიერია სტიმულაცია და უფრო ინტენსიურია კბილის ტკივილი.

შემიძლია თუ არა მიგ^® 400-ის მიღება კბილის ამოღების შემდეგ?

იბუპროფენი შექცევადად აფერხებს სისხლის შედედებას (აცეტილსალიცილის მჟავასგან განსხვავებით). ეს ნიშნავს, რომ ოპერაციის შემდგომი სისხლდენა აცეტილსალიცილის მჟავას გამოყენების შემდეგ უფრო დიდხანს გრძელდება, ვიდრე იბუპროფენის შემთხვევაში. ეს ფაქტი იძლევა მიგ® 400-ის მიღების საშუალებას კბილის ამოღების შემდეგ.

შეკითხვები მიგ® 400 -ის ტაბლეტების შესახებ

პროდუქტის მახასიათებლები

მიჭირს ტაბლეტების გადაყლაპვა, შემიძლია თუ არა ტაბლეტის გაყოფა?

დიახ. შეგიძლიათ, გატეხოთ ან დაფხვნათ ტაბლეტი. გამოყენებისას, დაქუცმაცებულ ტაბლეტს შეგიძლიათ დაუმატოთ მცირე რაოდენობით რძე ან წყალი დასალევად.

როგორია ტაბლეტების ვარგისიანობის ვადა?

ვარგისიანობის ვადა მითითებულია ბლისტერზე და კოლოფზე "EXP"-ის შემდეგ. ვარგისიანობის ვადა ეხება მითითებული თვის ბოლო დღეს. არ გამოიყენოთ ვარგისიანობის ვადის გასვლის შემდეგ.

დოზირება და მითითებები

რამდენი დღის განმავლობაში შემიძლია მიგ^® 400-ის მიღება?

მიგ^® 400 განსაზღვრულია მხოლოდ მოკლევადიანი გამოყენებისთვის. არ მოიხმაროთ მიგ® 400 სამ დღეზე მეტი ხნის განმავლობაში ბავშვებსა და მოზარდებში, მოზრდილებში კი 3 დღეზე მეტი ცხელების და 4 დღეზე მეტი ტკივილის სამკურნალოდ.

თუ ფიქრობთ, რომ მიგ^® 400-ის ეფექტი ძალიან ძლიერია ან ძალიან სუსტი, გთხოვთ, მიმართოთ ექიმს. მიგ® 400-ის ხანგრძლივი მიღებისას საჭიროა ღვიძლის მაჩვენებლების, თირკმლების ფუნქციის და სისხლის ანალიზის რეგულარული შემოწმება.

რა არის მაქსიმალური სადღეღამისო დოზა ზრდასრულებში?

ზრდასრულებს, რომელთა სხეულის წონა აღემატება 40 კგ-ს, შეუძლიათ ერთჯერადად მიიღონ MIG® 400-ს ნახევარი ან ერთი ტაბლეტი (200 - 400 მგ იბუპროფენის ეკვივალენტი). მაქსიმალური სადღეღამისო დოზაა (24 საათი) მიგ® 400-ის 3 ტაბლეტი (1200 მგ იბუპროფენის ეკვივალენტი). თუ მიიღეთ მაქსიმალური ერთჯერადი დოზა, შემდეგი დოზის მიღებამდე დაიცადეთ, სულ მცირე, 6 საათი.

ბავშვებს შეუძლიათ თუ არა მიგ^® 400-ის მიღება?

მიგ^® 400 არ უნდა მისცეთ 6 წლამდე ასაკის ან 20 კგ-მდე სხეულის მასის მქონე ბავშვებს.

ბავშვებს (6 - 12 წლამდე), რომელთა სხეულის წონა 20 კგ-ზე მეტია, შეუძლიათ მიიღონ ½ ტაბლეტი (200 მგ იბუპროფენის ეკვივალენტი).

შემიძლია თუ არა იბუპროფენის მიღება, თუ კუჭის წყლული მაქვს?

თუ გაქვთ კუჭ-ნაწლავიდან სისხლდენა ან წყლულები, მიგ^® 400-ით მკურნალობა უნდა შეწყდეს. არასტეროიდული ანთების საწინააღმდეგო საშუალებების (როგორიცაა იბუპროფენი) მიღებისას სიფრთხილეა საჭირო, თუ გაქვთ კუჭ-ნაწლავის ავადმყოფობის ისტორია (წყლულოვანი კოლიტი, კრონის ავადმყოფობა), რადგან ეს მდგომარეობები შეიძლება გაუარესდეს.

როგორ უნდა მოვიქცეთ მიგ® 400-ის დოზის გადაჭარბების შემთხვევაში?

თუ მიიღეთ საჭიროზე მეტი მიგ^® 400, დაუყოვნებლივ აცნობეთ ექიმს. მდგომარეობის სიმძიმის მიხედვით, მას შეუძლია გადაწყვიტოს, რა ზომები უნდა მიიღოთ.

შემიძლია თუ არა მიგ^® 400-ის მიღება, თუ ვარ ორსულად ან ძუძუთი ვკვებავ ბავშვს?

იდეალურ შემთხვევაში, ორსულებმა არ უნდა მიიღონ იბუპროფენი, თუ ექიმი არ დანიშნავს მას. დედისა და ბავშვისთვის გართულებების გაზრდილი რისკის გამო, მიგ® 400-ის გამოყენება არამართებულია ორსულობის ბოლო თვეებში. ორსულებმა ყოველთვის უნდა განიხილონ ნებისმიერი მედიკამენტი მკურნალ ექიმთან, გინეკოლოგთან ან ფარმაცევტთან.

ზოგიერთ შემთხვევაში მეძუძურ ქალებში შეიძლება განიხილებოდეს იბუპროფენის ფრთხილად გამოყენება. აქტიური ნივთიერება იბუპროფენი და მისი დაშლის პროდუქტები მხოლოდ მცირე რაოდენობით გადადის დედის რძეში. თუმცა, თავიდან უნდა იყოს აცილებული ხანგრძლივი გამოყენება ან უფრო მაღალი დოზების მიღება.

შემიძლია თუ არა მიგ^® 400-ის ცარიელ კუჭზე მიღება?

კუჭის გაღიზიანება იბუპროფენის ყველაზე გავრცელებული გვერდითი მოვლენაა. ექიმები გვირჩევენ იბუპროფენის მიღებას საკვებთან ან რძესთან ერთად და უზმოდ მიღებაზე უარის თქმას.

რა გავლენას ახდენს იბუპროფენი თირკმელებზე?

ძალიან იშვიათ შემთხვევებში (10,000 ადამიანიდან 1) იბუპროფენმა შეიძლება გამოიწვიოს თირკმლის ქსოვილის დაზიანება (პაპილარული ნეკროზი) და ასევე შეიძლება მოხდეს შარდმჟავას კონცენტრაციის მომატება სისხლში.

რა გავლენას ახდენს იბუპროფენი ღვიძლზე?

კოლოფში არსებულ საინფორმაციო ფურცელში მითითებული დოზების მიღების შემთხვევაში, არ არის ცნობილი ღვიძლის მხრივ სპეციფიკური გვერდითი მოვლენები. მიგ^® 400-ის ხანგრძლივი გამოყენებისას საჭიროა ღვიძლის მაჩვენებლების რეგულარული შემოწმება. იბუპროფენის დოზის გადაჭარბებამ შეიძლება გამოიწვიოს ღვიძლის დაზიანება.

შეიძლება იბუპროფენმა გამოიწვიოს გულის შეტევა ან არტერიული წნევის მატება?

ანთების საწინააღმდეგო/ ტკივილგამაყუჩებელი საშუალებები, როგორიცაა იბუპროფენი, შეიძლება დაკავშირებული იყოს გულის შეტევის ან ინსულტის მცირედ გაზრდილ რისკთან, განსაკუთრებით მაღალი დოზებით გამოყენებისას. არ გადააჭარბოთ რეკომენდებულ დოზას ან მკურნალობის ხანგრძლივობას.

შემიძლია თუ არა მიგ^® 400-ის მიღება სხვა ტკივილგამაყუჩებლებთან ერთად, როგორიცაა ნაპროქსენი, აცეტილსალიცილის მჟავა ან პარაცეტამოლი?

მიგ^® 400-ის გამოყენებას სხვა ტკივილგამაყუჩებლებთან ერთად უნდა ვერიდოთ. ზოგიერთმა სხვა წამალმაც შეიძლება გავლენა მოახდინოს ან იმოქმედოს მიგ^® 400-ით მკურნალობაზე. ამდენად, ყოველთვის უნდა მიმართოთ ექიმს ან ფარმაცევტს, სანამ გამოიყენებთ მიგ^® 400-ს სხვა მედიკამენტებთან ერთად.

გვერდითი მოვლენები და უსაფრთხოება

შეიძლება თუ არა იბუპროფენის მიღება, თუ ადამიანს აქვს ალერგია აცეტილსალიცილის მჟავაზე?

არ მიიღოთ მიგ^® 400, თუ წარსულში გქონდათ ალერგიული რეაქციები აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიღების შემდეგ.

შეიძლება იბუპროფენმა გამოიწვიოს კუჭის გაღიზიანება?

მიგ^® 400-ის არასტეროიდული ანთების საწინააღმდეგო საშუალებებთან ერთდროულად გამოყენება, ცოგ-2 ინჰიბიტორების (ციკლოოქსიგენაზა-2 სელექციური ინჰიბიტორები) ჩათვლით, თავიდან უნდა იქნას აცილებული.

კუჭის გაღიზიანება, კუჭის ლორწოვანი გარსის ანთება (გასტრიტი) შეიძლება განვითარდეს 100-დან 1 ადამიანში. შეიძლება განვითარდეს კუჭ-ნაწლავის სისხლდენა, წყლული ან პერფორაცია, რაც შეიძლება ფატალური აღმოჩნდეს. კუჭ-ნაწლავის ტრაქტიდან სისხლდენა დაფიქსირდა ნებისმიერი არასტეროიდული საშუალებით მკურნალობის დროს, გამაფრთხილებელი სიმპტომების ან წარსულში კუჭ-ნაწლავთან დაკავშირებული მოვლენების არსებობის მიუხედავად.

თუ ადრე გქონიათ კუჭ-ნაწლავთან დაკავშირებული გვერდითი მოვლენები, მით უმეტეს ხანდაზმულებს, მუცლის მხრივ ნებისმიერი უჩვეულო სიმპტომის (განსაკუთრებით, კუჭ-ნაწლავიდან სისხლდენა) შესახებ, უნდა შეატყობინოთ ექიმს, განსაკუთრებით, მკურნალობის საწყის ეტაპებზე.

შეკითხვები იბუპროფენის შესახებ

აქტიური ნივთიერების - იბუპროფენის შესახებ

რა არის იბუპროფენი?

იბუპროფენი ტკივილგამაყუჩებელი საშუალებაა და მიეკუთვნება არასტეროიდული ანთების საწინააღმდეგო საშუალებების კლასს, რომლებიც აფერხებს ორგანიზმში ტკივილის მედიატორების გამომუშავებას, როგორიცაა პროსტაგლანდინი. არასტეროიდული ანთების საწინააღმდეგო საშუალებები, როგორიცაა იბუპროფენი, ფართოდ გამოიყენება თავის ტკივილის, მტკივნეული მენსტრუაციის, დაჭიმვის და ღრძობის, გაციების და გრიპის და ართრიტის სიმპტომების შესამსუბუქებლად. გარდა ამისა, არასტეროიდული ანთების საწინააღმდეგო საშუალებები ამცირებს ანთებას და აქვეითებს მაღალ ტემპერატურას.

არის თუ არა ურთიერთქმედება იბუპროფენსა და ალკოჰოლს შორის?

იბუპროფენით მკურნალობისას ალკოჰოლური სასმელის მიღებამ შესაძლოა კუჭის გაღიზიანება გამოიწვიოს. თუ ეს შესაძლებელია, არ უნდა დალიოთ ალკოჰოლური სასმელი მიგ^® 400-ის გამოყენებისას, რადგან ძლიერდება გვერდითი მოვლენები, განსაკუთრებით ისინი, რომლებიც კუჭ-ნაწლავის ტრაქტიდან ან ცენტრული ნერვული სისტემიდან მომდინარეობს.

სხვა ტკივილგამაყუჩებლებთან შედარება

როგორ მოქმედებს არასტეროიდული ანთების საწინააღმდეგო საშუალებები და რა არის მათი გვერდითი მოვლენები?

იბუპროფენი და აცეტილსალიცილის მჟავა მიეკუთვნება წამლების კლასს, რომელიც ცნობილია, როგორც არასტეროიდული ანთების საწინააღმდეგო საშუალებები. წამლების ეს ჯგუფი ბოჭავს ფერმენტ ცოგ-2-ს (ციკლოოქსიგენაზა-2 ტიპის), რომელიც წარმოქმნის ტკივილის სასიგნალო და ანთებით მოლეკულებს. ცოგ-2-ის შებოჭვით არასტეროიდული ანთების საწინააღმდეგო საშუალებები ამსუბუქებს ტკივილს.

არასტეროიდული ანთების საწინააღმდეგო საშუალებების უმეტესობა ბოჭავს მონათესავე ფერმენტ ცოგ-1-ს, რომელიც მნიშვნელოვან როლს ასრულებს კუჭის ლორწოვანი გარსის დაცვაში. ცოგ-1-ის შებოჭვით, არასტეროიდული ანთების საწინააღმდეგო საშუალებები ზრდის კუჭის წყლულის და კუჭ-ნაწლავიდან სისხლდენის რისკს.

გარდა ამისა, არასტეროიდული ანთების საწინააღმდეგო საშუალებები აფერხებს პროსტაგლანდინების წარმოქმნას. პროსტაგლანდინები პასუხისმგებელნი არიან ანთების რეგულაციაზე, ცხელების გამოწვევაზე, ტკივილის მიმართ ნეირონების მგრძნობელობის მომატებაზე, გლუვი კუნთების შეკუმშვაზე (როგორიცაა საშვილოსნო) სისხლის შედედებაზე და ა.შ.

აცეტილსალიცილის მჟავასთან შედარებით, იბუპროფენი ნაკლებად და ხანმოკლე დროით აფერხებს სისხლის შედედებას. ეს ნიშნავს, რომ ოპერაციის შემდეგ ან მენსტრუაციის დროს სისხლდენა აცეტილსალიცილის მჟავას გამოყენებისას უფრო დიდხანს გრძელდება, ვიდრე იბუპროფენის შემთხვევაში.

იბუპროფენისა და აცეტილსალიცილის მჟავას შედარება

აცეტილსალიცილის მჟავასგან განსხვავებით, იბუპროფენის მიღება შეუძლიათ ბავშვებს (6 წელზე უფროსი ასაკის). ბავშვებში აცეტილსალიცილის მჟავამ შეიძლება გამოიწვიოს ძალიან იშვიათი ავადმყოფობა, რომელსაც ეწოდება რეიეს სინდრომი, მდგომარეობა, რომელიც აზიანებს თავის ტვინს და ღვიძლს. ამ მიზეზით, აცეტილსალიცილის მჟავა არ უნდა მიეცეს 16 წლამდე ასაკის ბავშვებს, თუ არ არის ექიმის რეკომენდაცია.

იბუპროფენისა და ოპიოიდური ტკივილგამაყუჩებლების შედარება

სუსტი ოპიოიდური ტკივილგამაყუჩებელი საშუალებები (როგორიცაა კოდეინი), ჩვეულებრივ, უფრო ძლიერი ტკივილის დროს ინიშნება. ისინი უკავშირდებიან ოპიოიდურ რეცეპტორებს და რეგულარულად გამოყენების შემთხვევაში შეიძლება გამოიწვიონ ტოლერანტობის, მიჩვევის და დამოკიდებულების ჩამოყალიბება. იბუპროფენი ან სხვა არასტეროიდული ანთების საწინააღმდეგო საშუალებები ტკივილგამაყუჩებელი მედიკამენტებია, რომლებიც არ უკავშირდება თავის ტვინის ოპიოიდურ რეცეპტორებს და არ იწვევს დამოკიდებულების განვითარებას.

იბუპროფენისა და პარაცეტამოლის შედარება

პარაცეტამოლის და იბუპროფენის გამოყენება შეიძლება მაღალი ტემპერატურის შესამცირებლად და ტკივილის სამკურნალოდ

მიგ® 400

ეფექტიანი ტკივილგამაყუჩებელი, ანთების საწინააღმდეგო და სიცხის დამწევი საშუალება

გაიგეთ მეტი