ახალგაზრდა ქალს აწუხებს მენსტრუალური მტკივნეული სპაზმები და ტკივილი_ იბუპროფენი შეიძლება დაეხმაროს

მტკივნეული მენსტრუაცია

დაახლოებით თვეში ერთხელ რეპროდუქციული ასაკის გოგონებსა და ქალებს აქვთ მენსტრუაცია. ამ პერიოდის განმავლობაში ყოველთვიური ჰორმონული ცვლილებების გამო ხდება საშვილოსნოს ლორწოვანი გარსის ფუნქციური შრის ჩამოფცქვნა და სისხლის გამოყოფა. მენსტრუაციის დროს ნორმალურია ზომიერი სპაზმები ან მუცლის ქვედა ნაწილში ტკივილი, რომელიც შეიძლება გავრცელდეს ზურგის ქვედა და ბარძაყის მიდამოებში, რასაც შეიძლება ახლდეს გულისრევა და შებერილობა. ეს მდგომარეობა, რომელსაც ასევე დისმენორეას უწოდებენ, ბევრ ქალს აწუხებს. მტკივნეულმა მენსტრუაციამ შეიძლება მნიშვნელოვნად შეაფერხოს და შეზღუდოს ყოველდღიური ცხოვრება

რა იწვევს მტკივნეულ მენსტრუაციას (დისმენორეას)?

პროსტაგლანდინის სახელწოდებით ცნობილი ჰორმონი იწვევს საშვილოსნოს კუნთების შეკუმშვას ანუ სპაზმს - შედეგად, საშვილოსნო გამოყოფს სისხლს უჯრედული ქსოვილების მცირე ნაწილებთან ერთად. ეს სპაზმები შეიძლება მტკივნეული იყოს და კრამპი ეწოდება. პროსტაგლანდინის დონე მატულობს უშუალოდ მენსტრუაციის დაწყების წინ. ამის შედეგად, ქალი განიცდის ტკივილს, რომელიც შეიძლება სამი დღე გაგრძელდეს.

დისმენორეის განვითარების რისკის ფაქტორები:

ჭარბი მენსტრუალური სისხლდენა
30 წელზე უმცროსი ასაკი
არარეგულარული მენსტრუალური ციკლი
თამბაქოს მოხმარება
დეპრესია
პირველი მენსტრუაცია 12 წლამდე ასაკში
სხეულის დაბალი წონა
სტერილიზაცია

როგორ შევამციროთ მენსტრუალური ტკივილი?

მუცელზე სათბურის დადება
მუცლის მასაჟი
თბილი აბაზანის მიღება
რეგულარული ფიზიკური აქტივობა
ჯანსაღი და მსუბუქი საკვების მიღება
კუნთების მოდუნების ხერხები
ფეხების აწევა ან წოლა სხეულთან მიზიდული მუხლებით
ტკივილგამაყუჩებლების მიღება, როგორიცაა იბუპროფენი (მიგ 400), პროსტაგლანდინების გამომუშავების შესაფერხებლად

მენსტრუალური ტკივილი შეიძლება გამოიწვიოს სხვა სამედიცინო მდგომარეობებმა (როგორიცაა ენდომეტრიოზი, ფიბრომა/მიომა, მცირე მენჯის ღრუს ანთებითი დაავადებები, საკვერცხეების პოლიკისტოზური დაავადება, ადენომიოზი, ინტერსტიციული ცისტიტი, საშვილოსნოს გარე ორსულობა) და, შესაბამისად, სერიოზული პრობლემების თავიდან ასაცილებლად, აუცილებელია ექიმის კონსულტაცია.