მიგ® 400
იბუპროფენი აღიარებულია, როგორც თავის ტკივილისა და შაკიკის შეტევების პირველი რიგის სამკურნალო საშუალება, რომელსაც რეკომენდაციას უწევს მრავალი ავტორიტეტული ორგანიზაცია, როგორიცაა თავის ტკივილის შემსწავლელი ბრიტანეთის ასოციაცია და თავის ტკივილისა და შაკიკის მკურნალობის გერმანული საზოგადოება. იბუპროფენი შედის ჯანმო-ს ესენციური მედიკამენტების სიაში.
მნიშვნელოვანი მახასიათებლები
- მიგ® 400 - ის თითოეული ტაბლეტი შეიცავს 400 მგ აქტიურ ინგრედიენტს - იბუპროფენს.
- იბუპროფენი წარმატებით აერთიანებს ტკივილის გაყუჩების მაღალ ეფექტურობას და კარგ ასატანობას.
- განსაკუთრებული შემადგენლობის წყალობით, მიგ® 400 მოქმედებას მიღებიდან 10 წუთში იწყებს!
- 400 მგ იბუპროფენის ჩვეულებრივი დოზაა, რომელიც ეფექტურად აყუჩებს ტკივილს და აქვს მაღალი უსაფრთხოება.
- მიგ® 400-ის შემოგარსული ტაბლეტების ჩაყლაპვა ადვილია. ტაბლეტზე არსებული დანაყოფი მისი ორ ნაწილად გაყოფისა და მოქნილი დოზირების საშუალებას იძლევა.
- მიგ® 400 ეფექტური ტკივილგამაყუჩებელი და სიცხის დამწევი პრეპარატია გერმანიიდან.
ინფორმაცია პაციენტებისათვის
გაიგეთ მეტი მიგ® 400-ის ტაბლეტების შესახებ. თუ არ ხართ დარწმუნებული მიგ® 400-ის გამოყენებაში, გთხოვთ, დაგვიკავშირდეთ ან მიმართოთ თქვენს ექიმს ან ფარმაცევტს.
მიგ® 400 არის შემოგარსული ტაბლეტები შიგნით მისაღებად. თითოეული ტაბლეტი შეიცავს 400 მგ იბუპროფენს.
მიგ® 400 არის ანთების საწინააღმდეგო და ტკივილგამაყუჩებელი მედიკამენტი (არასტეროიდული ანთების საწინააღმდეგო საშუალება), სიცხის დამწევი თვისებებით.
მიგ®400-ს იყენებენ შემდეგი სიმპტომების სამკურნალოდ:
- მსუბუქი და ზომიერად ძლიერი ტკივილი
- ცხელება (ცხელება გაციებისა და გრიპის დროს)
- კუნთებისა და სახსრების ტკივილი
- კბილის ტკივილი
- მენსტრუალური ტკივილი
- შაკიკი
- თავის ტკივილი
პრეპარატის მიღებათა შორის ინტერვალი უნდა იყოს, სულ მცირე, 6 საათი.
არ გადააჭარბოთ რეკომენდებულ დოზას ან მკურნალობის ხანგრძლივობას
- თუ ხართ ალერგიული იბუპროფენის ან ამ მედიკამენტის რომელიმე სხვა ინგრედიენტის მიმართ;
- წარსულში აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიღების შემდეგ ალერგიული რეაქციების დროს, როგორიცაა:
- ბრონქოსპაზმი;
- ასთმური შეტევა;
- ცხვირის ლორწოვანი გარსის შეშუპება;
- კანის რეაქციები (მაგ. გაწითლება, ჭინჭრის ციება ან მსგავსი);
- სისხლმბადი ორგანოების ფუნქციის დაუზუსტებელი დარღვევ;
- ამჟამად ან წარსულში კუჭის/თორმეტგოჯა ნაწლავის მორეციდივე წყლულები (პეპტიური წყლული) ან სისხლდენა (წყლულის ან სისხლდენის ორი ან მეტი დადასტურებული ეპიზოდი);
- არასტეროიდული ანთების საწინააღმდეგო საშუალებებით მკურნალობის შემდეგ კუჭ-ნაწლავიდან სისხლდენის ან პერფორაციის შემთხვევა წარსულში
- თავის ტვინში სისხლჩაქცევა ან სხვა მიმდინარე სისხლდენა;
- თირკმლის ან ღვიძლის ფუნქციის მძიმე დარღვეა;
- გულის მძიმე უკმარისობა;
- ორსულობის ბოლო სამი თვის განმავლობაში.
შესაძლო გვერდითი მოვლენების სრული ჩამონათვალისთვის გთხოვთ, გაეცნოთ პაციენტის საინფორმაციო ფურცელს.
- როგორც ნებისმიერმა სამკურნალო საშუალებამ, ამ მედიკამენტმაც შეიძლება გამოიწვიოს გვერდითი მოვლენები, თუმცა ისინი ყველას არ უვითარდება. თუ ქვემოთ ჩამოთვლილ გვერდით მოვლენებს შეამჩნევთ, გთხოვთ, მიმართოთ ექიმს, რომელიც გადაწყვეტს, როგორ იმოქმედოთ შემდგომში.
- გვერდითი მოვლენების წარმოდგენილი ჩამონათვალი მოიცავს ყველა გვერდით მოვლენას, რომლის შესახებაც ცნობები მოიპოვება იბუპროფენით მკურნალობის, ასევე რევმატიზმის მქონე პაციენტებში მაღალი დოზებით ხანგრძლივი გამოყენებისას. მოცემული სიხშირეები, რომლებიც სცილდება ძალიან იშვიათი შეტყობინებების ფარგლებს, ეხება დღიური დოზების ხანმოკლე გამოყენებას იბუპროფენის მაქსიმუმ 1200 მგ-ს შიგნით მისაღები ფორმებისთვის (= 3 მიგ) და მაქსიმუმ 1800 მგ-ს სანთლებისათვის.
- გასათვალისწინებელია, რომ წამლის მოცემული გვერდითი რეაქციები უპირატესად დოზაზეა დამოკიდებული და განსხვავდება სხვადასხვა პაციენტში.
- გამოვლენილი გვერდითი მოვლენები ყველაზე ხშირად კუჭ-ნაწლავიდან მომდინარეობს.
- შეიძლება განვითარდეს კუჭის/თორმეტგოჯა ნაწლავის წყლული (პეპტიური წყლული), პერფორაცია ან სისხლდენა კუჭ-ნაწლავიდან, ზოგჯერ ფატალური, განსაკუთრებით, ხანდაზმულებში (იხ. პაციენტის საინფორმაციო ფურცლის ნაწილი 2: „გაფრთხილებები და სიფრთხილის ზომები “).
- გამოყენების შემდეგ გამოვლინდა: გულისრევა, ღებინება, ფაღარათი, მეტეორიზმი, ყაბზობა, საჭმლის მონელებასთან დაკავშირებული ჩივილები, მუცლის ტკივილი, კუპრისფერი განავალი, სისხლიანი ღებინება, წყლულოვანი სტომატიტი (პირის ღრუს ლორწოვანი გარსის ანთება დაწყლულებით), ნაწლავის დაავადებების (წყლულოვანი კოლიტი და კრონის ავადმყოფობა) გაუარესება. (იხ. პაციენტის საინფორმაციო ფურცლის ნაწილი 2: „გაფრთხილებები და სიფრთხილის ზომები “).
- ნაკლები სიხშირით დაფიქსირდა კუჭის ლორწოვანი გარსის ანთება. კუჭ-ნაწლავის სისხლდენის განვითარების რისკი განსაკუთრებით დამოკიდებულია დოზის დიაპაზონზე და გამოყენების ხანგრძლივობაზე.
- თუ აღინიშნა ძლიერი ტკივილი მუცლის ზედა ნაწილში, სისხლიანი ღებინება, სისხლი განავალში და/ან განავლის შავი შეფერილობა, უნდა შეწყვიტოთ მიგ® 400 და დაუყოვნებლივ აცნობოთ ექიმს.
- არასტეროიდული ანთების საწინააღმდეგო საშუალებებით მკურნალობის დროს აღწერილია შეშუპება, არტერიული წნევის მომატება და გულის უკმარისობა.
- ისეთი მედიკამენტები, როგორიცაა მიგ400, შესაძლოა, დაკავშირებული იყოს გულის შეტევის („მიოკარდიუმის ინფარქტი “) ან ინსულტის მცირედ გაზრდილ რისკთან.
შესაძლო გვერდითი ეფექტების სრული ჩამონათვალისთვის გაეცანით პაციენტის საინფორმაციო ფურცელს.
იბუპროფენი (როგორც სხვა არასტეროიდული ანთების საწინააღმდეგო საშუალებები) მხოლოდ სიფრთხილით უნდა იქნას მიღებული შემდეგ სამკურნალო ნივთიერებებთან ერთად:
სხვა არასტეროიდული ანთების საწინააღმდეგო საშუალებები, სალიცილატების ჩათვლით.
რამდენიმე არასტეროიდული ანთების საწინააღმდეგო საშუალებების ერთდროულმა გამოყენებამ შეიძლება გაზარდოს კუჭ-ნაწლავის წყლულების და სისხლდენის რისკი სინერგიული მოქმედების გამო. ამიტომ, თავიდან უნდა იქნას აცილებული იბუპროფენის სხვა არასტეროიდული ანთების საწინააღმდეგო საშუალებებთან ერთად გამოყენება.
დიგოქსინი, ფენიტოინი, ლითიუმი.
მიგ-ის დიგოქსინთან, ფენიტოინთან ან ლითიუმის პრეპარატებთან ერთდროული გამოყენებისას შეიძლება გაიზარდოს ამ სამკურნალო პროდუქტების კონცენტრაცია სისხლის შრატში. ლითიუმის, დიგოქსინის და ფენიტოინის დონის შემოწმება შრატში, როგორც წესი, არ არის აუცილებელი სწორი გამოყენებისას (მაქსიმალური ხანგრძლივობა).
შარდმდენები, აგე-ინჰიბიტორები, ბეტა რეცეპტორების ბლოკერები და ანგიოტენზინ-II-ის ანტაგონისტები:
არასტეროიდულმა ანთების საწინააღმდეგო საშუალებებმა შეიძლება შეამციროს შარდმდენი და სხვა ანტიჰიპერტენზიული საშუალებების ეფექტი. თირკმლების ფუნქციის დარღვევის მქონე ზოგიერთ პაციენტში (მაგ. გაუწყლოვნებულნი ან ხანდაზმულები თირკმელების დარღვეული ფუნქციით) აგე-ინჰიბიტორების, ბეტა-ბლოკერების ან ანგიოტენზინ-II ანტაგონისტებისა და ციკლოოქსიგენაზას ინჰიბიტორების ერთდროულმა გამოყენებამ შეიძლება გამოიწვიოს თირკმელების ფუნქციის შემდგომი გაუარესება, მათ შორის შესაძლოა, თირკმელების მწვავე უკმარისობა, რომელიც, ჩვეულებრივ, შექცევადია. ამიტომ, კომბინაციისას საჭიროა სიფრთხილე, განსაკუთრებით, ხანდაზმულებში. ყურადღება უნდა მიექცეს პაციენტების ადეკვატურ ჰიდრატაციას და თირკმელების ფუნქციის მონიტორირებას თანმხლები მკურნალობის დაწყების შემდეგ და შემდგომში - დროდადრო.
მიგ-ისა და კალიუმის შემანარჩუნებელი შარდმდენების ერთდროულმა გამოყენებამ შეიძლება გამოიწვიოს ჰიპერკალიემია.
თუ ბავშვებსა და მოზარდებში ჩივილები გრძელდება 2 დღეზე ხანგრძლივად, ცხელების მკურნალობა მოზრდილებში 3 დღეზე, ხოლო ტკივილის მკურნალობა 4 დღეზე ხანგრძლივი დროის განმავლობაში, კონსულტაციისათვის მიმართეთ ექიმს.
ყოველთვის გაეცანით პრეპარატის გამოყენების ინსტრუქციას. რისკებისა და გვერდითი მოვლენების შესახებ წაიკითხეთ ინსტრუქცია და მიმართეთ ექიმს ან ფარმაცევტს.
ინფორმაცია პროდუქტის შესახებ ჩამოსატვირთად
ხშირად დასმული კითხვები
ხშირად დასმული კითხვები მიგ® 400-ისა და იბუპროფენის გამოყენების შესახებ
სწრაფად მოქმედი ფორმა
მიგ® 400-ის განსაკუთრებული გალენური ფორმა უზრუნველყოფს იბუპროფენის მოქმედების სწრაფ დაწყებას