მამაკაცს აქვს კუნთების ან სახსრების ტკივილს_მუხლის ტკივილი_იბუპროფენი შეიძლება დაეხმაროს

კუნთებისა და სახსრების ტკივილი

როცა ყოველი მოძრაობა ტკივილს იწვევს, რა ჯობია: დაცდა თუ მოქმედება?

ძვალ-კუნთოვანი სისტემა რთული კომპლექსია, რომელიც ადამიანს მოძრაობის საშულებას აძლევს და სხეულის ფორმისა და მდგრადობის საფუძველს ქმნის. მოძრაობის უზრუნველსაყოფად, ძვლები ერთმანეთს ხრტილებისგან შემდგარი სახსრებით უკავშირდება, რაც ხელს უშლის ძვლების ერთმანეთთან უშუალოდ შეხებას. კუნთები ეხმარება ძვლებს და სხეულის მოძრაობას უზრუნველყოფს.

ძვალ-კუნთოვანი სისტემის ნებისმიერი ქსოვილის (ძვლები, სახსრები, კუნთები, მყესები, ხრტილები და სხვა შემაერთებელი ქსოვილი) დაზიანება აფერხებს მოძრაობას და იწვევს ძლიერ ტკივილს.

თუმცა, არსებობს მწვავე და ქრონიკული დაავადებები და დარღვევები, რომლებმაც შეიძლება გავლენა მოახდინოს ძვალ-კუნთოვანი სისტემის სხვადასხვა უბნებზე.

კუნთების ტკივილი

რა იწვევს კუნთების ტკივილს?

კუნთების ტკივილი შეიძლება გამოწვეული იყოს სხვადასხვა ფაქტორებით, მათ შორის:

ტრავმა და დაზიანებები, როგორიცაა დაჭიმულობა და ღრძობა
კუნთების გადაძაბვა ფიზიკური ვარჯიშებით და განმეორებითი ზედმეტი დატვირთვით
კუნთების დაძაბვა სქოლიოზის ან არასწორი ტანადობის გამო
ემოციურმა სტრესმა, შფოთვამ და ძილის ნაკლებობამ შეიძლება გამოიწვიოს კუნთების დაძაბულობის მომატება
გარკვეული ვიტამინებისა და მინერალების დეფიციტი

რამ შეიძლება შეამციროს კუნთების ტკივილი?

კუნთების დაძაბულობით გამოწვეული ტკივილის შესამსუბუქებლად რეკომენდებულია კუნთის მსუბუქად დაჭიმვა და მსუბუქი ვარჯიშების გაკეთება.
კუნთების მოდუნების ტექნიკის დაუფლებით შესაძლებელია შეამციროთ დაძაბულობით გამოწვეული ტკივილი.
დაზიანებებით გამოწვეული ტკივილის შემსუბუქება შესაძლებელია ცივი კომპრესების გამოყენებით და დაზიანებული უბნის მოსვენებით.
ისეთი მედიკამენტები, როგორიცაა იბუპროფენი (მიგ® 400), შეიძლება დაგეხმაროთ ტკივილის შემსუბუქებაში. ძვალ-კუნთოვანი სისტემის მწვავე დაზიანებების დროს, იბუპროფენი აღმოჩნდა საუკეთესო ტკივილგამაყუჩებელი საშუალება კოდეინთან და პარაცეტამოლთან შედარებით.

მნიშვნელოვანია ექიმთან ვიზიტი, რადგან არანამკურნალები ძვალ-კუნთოვანი ტკივილი შეიძლება გახდეს ქრონიკული, თანმდევი ფსიქოსოციალური და ფუნქციური პრობლემებით. რამაც შეიძლება გამოიწვიოს შემდგომი დისტრესი, შფოთვა და დეპრესიაც კი.

სახსრების ტკივილი

ტკივილი გამოწვეულია ხრტილის განლევით, ფასეტური ძვლის ხახუნით და სახსრის ანთებით

რა იწვევს სახსრების ტკივილს?

ბევრმა სხვადასხვა მდგომარეობამ შეიძლება გამოიწვიოს სახსრების ტკივილი, მათ შორის ოსტეოართრიტი, რევმატოიდული ართრიტი, ბურსიტი, პოდაგრა, ღრძობა, დაჭიმვა და სხვა დაზიანებები.

ოსტეოართრიტი

ოსტეოართრიტი სახსრების ყველაზე გავრცელებული დაავადებაა. ის ერთ-ერთი პირველია მსოფლიოში ტკივილისა და უუნარობის გამომწვევ მიზეზთა შორის. ოსტეოართრიტმა შეიძლება გამოიწვიოს სხვადასხვა სიმძიმის ტკივილი, სახსრების ფუნქციის შეზღუდვა და ცხოვრების ხარისხის გაუარესება. ის ყველაზე ხშირად აზიანებს მუხლის, ბარძაყის და ხელის მტევნის სახსრებს.

გავრცელებული შეხედულების მიუხედავად, არ არის აუცილებელი, რომ ოსტეოართრიტი ასაკობრივი ცვლილებებით იყოს განპირობებული. რისკის ფაქტორებს მიეკუთვნება:

სახსრების დაზიანება
სიმსუქნე (ჭარბი წონა)
სუსტი კუნთები
მდედრობითი სქესი
სახსრების განმეორებითი გადაჭარბებული დატვირთვა
დაბერება
გენეტიკური ფაქტორები

მუხლის ანატომიური სურათი გვიჩვენებს ართრიტის მიზეზებს_სახსრების ტკივილი

რამ შეიძლება შეამციროს ართრიტით გამოწვეული ტკივილი?

ფიზიკურმა აქტივობამ შეიძლება გააუმჯობესოს სახსრის ფუნქცია და შეამციროს ტკივილი. ექიმები გვირჩევენ ველოსიპედის ტარებას, ცურვას ან სპორტულ დარბაზში ვარჯიშს. ვარჯიში ხელს უწყობს სხეულის მოქნილობას, კუნთების გაძლიერებას და წონის კლებას.

სახსრების მსუბუქი და ზომიერი ტკივილის შესამსუბუქებლად და შეშუპების შესამცირებლად, შესაძლებელია არასტეროიდული ანთების საწინააღმდეგო პრეპარატის, როგორიცაა იბუპროფენი (მიგ® 400-ის აქტიური ნივთიერება), გამოყენება.