ქალი ბავშვით ყოველდღიურ ცხოვრებაში განიცდის ტკივილს თავის ერთ მხარეს

შაკიკი

შაკიკიც ფართოდაა გავრცელებული და მსოფლიოში ყოველი შვიდი ზრდასრულიდან ერთს აღენიშნება. ქალებში შაკიკი 3-ჯერ უფრო ხშირად გვხვდება მამაკაცებთან შედარებით, ეს განსხვავება გამოწვეულია ქალებში ჰორმონული რყევებით. შაკიკის პირველი გამოვლენა ყველაზე ხშირად იწყება სქესობრივი მომწიფებისას; ამგვარად, ვაჟებში უფრო იშვიათია, ვიდრე გოგონებში ისევ და ისევ იმიტომ, რომ ამ განსხვავებაზეც ქალის ჰორმონული ციკლია პასუხისმგებელი. უფრო იშვიათია შაკიკის გამოვლენა ბავშვებსა და ხანდაზმულებში და, ძირითადად, 35-დან 45 წლამდე ასაკის პირებს აწუხებს.

შაკიკის სიმპტომებს, როგორც წესი, ახასიათებთ:

ძლიერი მფეთქავი ტკივილი თავის ერთ მხარეს
ძლიერი ტკივილი საფეთქლებში
ტკივილის გაძლიერდება ფიზიკური აქტივობისას
ხანგრძლივობა - რამდენიმე საათიდან 2-3 დღემდე
დამატებითი სიმპტომები შეიძლება იყოს გულისრევა, ღებინება, ჰიპერმგრძნობიარობა სინათლის და ხმაურის მიმართ.
შაკიკის მქონეთა 20-30%-ს აღენიშნება აურის სიმპტომები (სენსორული სიმპტომები, როგორიცაა ჩხვლეტა და დაბუჟება ან მხედველობის დარღვევა: სინათლის ლაქები, ზიგზაგისებური ხაზები ან მხედველობის გაბუნდოვნება.

შაკიკის შეტევის ხელშემწყობები განსხვავებულია და შეიძლება მოიცავდეს შემდეგს:

სტრესი
ჭარბი ძილი/გამოუძინებლობა
კვების გამოტოვება
ალკოჰოლის/კოფეინის მიღება ან შეწყვეტა
საკვები (ყველი, წითელი ღვინო, შოკოლადი)
გარემო ფაქტორები (ამინდი, მკვეთრი შუქი, ხმაური და სხვ.)
ჰორმონული რყევები, მენსტრუაცია

შაკიკის ეპიზოდური შეტევები ხშირად წლების მანძილზე ვითარდება და მოიცავს თვეში არაუმეტეს 15 დღეს. მისგან განსხვავებით, ქრონიკულ შაკიკს ახასიათებს თავის ტკივილი თვეში 15 ან მეტი დღე, სულ მცირე, 3 თვის განმავლობაში.

მწვავე შაკიკის მკურნალობა

შაკიკის მქონე ადამიანების დიდი ნაწილი თავს არიდებს ფიზიკურ აქტივობას და შეტევისას სიბნელეს და სიმშვიდეს ამჯობინებს. შაკიკის სპეციფიკური ტრიგერების ცოდნა და მათთვის თავის არიდება შეიძლება დაგვეხმაროს შეტევების პრევენციაში.

მკურნალობაში ასევე დაგვეხმარება სწრაფად მოქმედი ტკივილგამაყუჩებლები, როგორიცაა მიგ® 400 შეტევის დაწყებისას გადაუდებელი მკურნალობისთვის რეკომენდებულია ურეცეპტოდ გასაცემი ტკივილგამაყუჩებლები.

მიგ® 400 სწრაფად მოქმედი ფორმაა და ცნობილია, რომ მისი აქტიური ნივთიერება იბუპროფენი ეფექტურად ამცირებს ტკივილს შაკიკის შეტევის დროს.