MIG400_ibuprofen_young women feels fever and is holding a thermometer

გაციება და ცხელება

ძირითადად ზამთარში და გაზაფხულზე მრავალ ადამიანს აწუხებს სურდო ან ცხვირი აქვს გაჭედილი. გარდა ამისა, ყელის ტკივილმა, ხველამ და სისუსტემ შეიძლება ხელი შეუშალოს ყოველდღიურ საქმიანობას. ეს უბრალო გაციებაა თუ გრიპი? მაშინაც კი, თუ გაციებას და გრიპს მსგავსი სიმპტომები აქვთ, სიმძიმის თვალსაზრისით ეს ორი სრულიად განსხვავებული მდგომარეობაა.

რა განსხვავებაა უბრალო გაციებასა და გრიპს შორის?

ორივე მდგომარეობას ახასიათებს შემდეგი სიმპტომები:

ხველა
ყელის ტკივილი
ცხვირის გაჭედვა ან ცხვირიდან გამონადები
კუნთების ან სახსრების ტკივილი
თავის ტკივილი
ცხელება

გაციებისაგან განსხვავებით, გრიპის სიმპტომები უეცრად ჩნდება. ამას გარდა, გრიპის დროს ადამიანი თავს დაუძლურებულად გრძნობს და აქვს დაღლილობის განცდა. უფრო ხშირად გამოხატულია მაღალი ტემპერატურა და მშრალი ხველა.

გრიპი უფრო მძიმედ მიმდინარეობს. თუკი მას თან ძალიან მაღალი ტემპერატურა ახლავს, შესაძლოა, ბავშვებსა და მოხუცებში სიცოცხლისთვის საშიში გართულებაც კი გამოიწვიოს.

რა არის ცხელება?

დღის განმავლობაში ადამიანის სხეულის ნორმალური ტემპერატურა შეიძლება მერყეობდეს 35,5 °C-დან 37,4 °C-მდე. როდესაც მიკროორგანიზმები სხეულში შედიან, მათთან საბრძოლველად იმუნური სისტემა ქმნის სპეციფიკურ ნივთიერებებს, რომლებიც, თავის მხრივ, იწვევს სხეულის ტემპერატურის მომატებას. მაღალი ტემპერატურის გამო ადამიანს ეწყება შემცივნება, სისუსტე და კანკალი. გარდა ამისა, ცხელებას შეიძლება თან ახლდეს კუნთებისა და სახსრების ტკივილი. 38°C-ზე მაღალი ტემპერატურა განისაზღვრება, როგორც ცხელება. ეს არის სხეულის ბუნებრივი რეაქცია ვირუსებთან, ბაქტერიებთან და სხვა მიკროორგანიზმებთან საბრძოლველად და ორგანიზმის დასაცავად.

როგორ დავწიოთ მაღალი ტემპერატურა?

რეკომენდებულია შუბლზე ცივი კომპრესის დადება და ბევრი სითხის მიღება. თუ ტემპერატურა 39°C-ზე მაღალია, შესაძლო მავნე ზემოქმედების თავიდან ასაცილებლად, საჭიროა სიცხის დამწევი საშუალების მიღება. ძლიერმა ცხელებამ შეიძლება ზიანი მიაყენოს ორგანიზმს გულყრითა და გაუწყლოებით. ზოგ შემთხვევაში, სუსტი იმუნური სისტემის მქონე ადამიანებისთვის ცხელება შეიძლება იყოს სიცოცხლისთვის საშიში და გამოიწვიოს კომა და თავის ტვინის დაზიანებაც კი.

ცხელების სამკურნალო მრავალი მედიკამენტი არსებობს.46 მიგ^® 400-ის აქტიური ნივთიერება იბუპროფენი აღიარებულია, როგორც სიცხის დამწევი ეფექტური საშუალება. იბუპროფენს ახასიათებს მოქმედების უფრო სწრაფად დაწყება (15 წუთში) და მეტი ხანგრძლივობა პარაცეტამოლთან შედარებით,. მიგ^® 400-ის ტაბლეტის განსაკუთრებული შემადგენლობა შესაძლებელს ხდის მოქმედების 10 წუთში დაწყებას. ამას გარდა, იბუპროფენი კარგი ასატანობით ხასიათდება და სწრაფად ამცირებს თანმხლებ კუნთებისა და სახსრების ტკივილს.